L’ATENÉU OBRERU DE VILLAVICIOSA DEDICA UNA XORNADA A LA POESÍA NUEVA N’ASTURIANU
L’Atenéu Obreru de Villaviciosa, al traviés de la so Aula d’Asturianu, dedica una xornada a la lliteratura nueva fecha n’Asturianu. Va ser el prósimu miércoles 20 de Xunu, a les 19:00 hores na Casa de los Hevia.
L’actu va incluyir la presentación, per un llau, de Little Babilonia, de Pablo X. Suárez, poemariu ganador de la XXIII edición del premiu Xuan María Acebal de poesía que concede la Conseyería de Cultura del Principáu d’Asturies.
Otra manera, presentaráse’l númberu nuevu de la revista Lliteratura, editada pola Academia de la Llingua, qu’estrena formatu y inclúi un dossier sobre poesía moza. Tará presente la so nueva directora, la escritora Marta Mori y dellos de los autores qu’apaecen na esbilla, Francisco Priegue, Lauren García, Diego Solís, Llucía Fernández y Xaime Martínez, que recitarán los sos poemes pa poner el ramu al actu, que pesllará con un alderique al rodiu de la poesía nueva.
(CAST)
EL ATENEO OBRERO DE VILLAVICIOSA DEDICA UNA JORNADA A LA NUEVA POESÍA EN ASTURIANO
El Ateneo Obrero de Villaviciosa, a traves de su Aula d’Asturianu, dedica una jornada a la nueva literatura escrita en asturiano. Será el próximo miércoles, 20 de junio, a las 19:00 horas en la Casa de los Hevia.
El acto va a incluir la presentación, por un lado, de Little Babilonia, de Pablo X. Suárez, poemario ganador de la XXIII edición del premio Xuan María Acebal de poesía que concede la Consejería de Cultura del Principado de Asturias.
Por otro lado, se presentará el nuevo número de la revista Lliteratura, editada por la Academia de la Llingua Asturiana, que estrena formato y incluye un dossier sobre poesía joven. Estarán presentes su nueva directora, la escritora Marta Mori, y varios de los autores que aparecen en la muestra, Francisco Priegue, Lauren García, Diego Solís, Llucía Fernández y Xaime Martínez, que recitarán sus composiciones para rematar el actu, que incluirá también un pequeño coloquio en torno a la poesía nueva.
